पुणे : येथील सेवासदन संस्थेच्या दिलासा या कार्यशाळेतर्फे दिवाळीसाठीच्या फराळ व कलात्मक वस्तूंच्या प्रदर्शनाचे आयोजन करण्यात आले आहे. हे प्रदर्शन २७ ऑक्टोबर २०१८ रोजी सकाळी १०.३० ते रात्री नऊ या वेळेत एरंडवणे येथील सेवासदन इंग्रजी माध्यम शाळेत भरणार आहे.
हे प्रदर्शन सर्वांसाठी खुले आणि विनामूल्य असणार आहे. प्रदर्शनातील फराळ व कलात्मक वस्तू या सेवासदन संस्थेतील विद्यार्थ्यांनी बनविल्या असून, त्याची विक्री देखील या प्रदर्शनात केली जाणार आहे. प्रौढ मतिमंद व्यक्तींच्या विकासासाठी पुण्यातील सेवासदन ही संस्था कार्यरत आहे. मतिमंद व्यक्तींचे पुनर्वसन करून त्यांना व्यावसायिक प्रशिक्षणाद्वारे स्वावलंबी करणे, विविध क्षेत्रातील तज्ज्ञांचे मार्गदर्शन मिळवून देणे, समाजात जागरूकरता निर्माण करून त्यांना सन्मान मिळवून देणे या उद्दिष्टांवर सेवासदन काम करते.
प्रदर्शनाविषयी :
दिवस : शनिवार, २७ ऑक्टोबर २०१८
वेळ : सकाळी १०.३० ते रात्री नऊ
स्थळ : सेवासदन इंग्रजी माध्यम शाळा, पटवर्धन बाग, एरंडवणे.
